【CV技巧】轉工係靠運氣？

🔸【我都曾經試過「無得揀」 】 
今次想分享下，我搵工路上親身經歷過嘅無力。
我喺踏入身心靈工作之前，其實做咗接近四年 HR 同 Headhunt，轉過三間公司。
每次都係裸辭搵工——無buffer、無著落、無頭緒。
時間愈過愈耐，戶口入面啲錢愈見少，心入面就愈嚟愈驚。
每日喺家搵工，好似不斷等運到——等一個 inbox 有反應，等一個電話響。
嗰種「唔知幾時有結果」、但又「唔可以再等落去」嘅焦急，真係日日逼自己撐落去。

🔸【求職靠既從來唔係運氣，而係清晰】
我頭兩份工都係靠運氣搵返嚟。
唔識執 CV，以為 copy JD 落去就得，結果見工次數唔夠5次。
而因為機會太少，最後連 underpaid offer 都要照接，
因為我唔敢再等，唔敢再拒絕。個時我覺得自己係「無得揀」——
唔係因為我真係無選擇，而係我唔識點樣擺出自己既價值，
甚至唔知道自己值幾多。

🔸【我終於知道點解一直搵唔岩⋯⋯】
直到我轉去做 headhunt，先識得點樣 present 自己。
我先知，原來寫 CV 係有技巧，唔係抄返 JD，
而係要講到自己做過咩成績。
唔係話你做緊咩職位，而係你「做得點」。
就好似報成績表，唔止係講修過咩科，最重要係你拎到幾多分。
我重新整理自己既工作紀錄、幫自己寫返清楚啲 achievements，
再加埋喺 headhunt 到學識既 pitch skills，
個次離職後第一星期就見咗6間公司，
兩星期內收咗 offer，人工加幅超過25%。
但老實講，最大嘅改變唔係人工，
係我終於有咗種感覺：
「我係有得揀。」

結果未必永遠可控，但你可以選擇清晰、準備好自己。
而當你夠清晰，就會知道： 
你係有得揀——你有價值，你值得被選擇。

＿
✨【你既焦慮，我都知道】
唔係自己寫得唔好，而係有人同行既感覺係更安心。
我當初都有搵朋友幫我睇cv，因為自己睇自己真係有盲點。
如果用兩三個鐘就能夠解開你既煩惱，
讓你搵返價值、重拾信心，其實係件非常值得既事。

我幫過唔少裸辭搵工好耐、迷惘緊既朋友
睇清自己既專業、搵返方向。
有90% 既朋友係做完諮詢兩星期內，收到適合面試邀請。

如果你都想搵返方向、睇清自己有幾多籌碼、
唔再靠撞運氣，而係真真正正 match 到你既機會——
DM我，我地可以一齊寫出屬於你既履歷，
一份真實、聚焦、又講得出你價值 嘅 CV。