【CV技巧】 係咪我個價開得太高，點解無人請我？

我知你唔想減人工。你叫得落呢個價，係因為你真係有返咁上下經驗，而且你唔係hea做，真係有交足功課。但你Apply咗幾份，等極都無回音，心入面開始出現一種聲：「係咪我價開得太高？但我唔甘心減⋯⋯」

🔸【其實唔係你唔值，而係你未比人睇得出你值得】
你份CV，可能係咁樣寫：「協助行政流程、處理人事系統、安排招聘、支援活動、統計出勤⋯⋯」睇落做過好多嘢，但 無一樣係突出。就好似一支五合一洗頭水：洗頭、護髮、防脫、去屑、修復⋯⋯樣樣都有，但冇重點。 HR睇你個履歷，會覺得：「咁既人其實市場上幾多都有，請一個fresh grad都做到。」咁樣你個價就會被人大打折扣。其實唔係你開得貴，而係因為你未寫到焦點。要比人覺得你值錢，你要做嘅唔係減價，而係成為有主打功效既「神仙水」。

🔸【咁你可以點樣開始調整？】
Step 1｜打開你想申請嘅JD
睇吓人地要咩技能、用咩工具、著重邊啲任務

Step 2｜抄返用字做 Keyword list
好似：招聘流程、報表分析、內部溝通、考勤系統⋯⋯

Step 3｜對返你自己份CV
你有冇寫到呢啲？有做過但冇寫出嚟，HR就唔會當你有做過

Step 4｜擺重位、打主力
唔係叫你刪晒啲野，而係要識得擺焦點，讓HR一睇就知你係想喺邊個方向發展

🔸【唔好再做「樣樣都識啲」嗰類人】
你開得出個價，代表你有信心。但如果CV睇唔出你有幾專、有幾想行落去，HR自然唔會當你係個「專才」，請左都唔知點用你。

✨【我唔知向咩方向發展⋯⋯】
咁《職涯規劃》幫到你！我地會由你既日常工作開始入手了解清楚你既強項弱項，梳理返多年來既工作方向，搵出專長同熱誠，再話比你聽市場上有咩工作岩你！

📩 如果你想知你依家份CV值唔值錢，
DM我幫你睇一次，話你聽你到底值唔值！