【CV技巧】轉極工都唔岩心水？

Emma做咗5年marketing，專責KOL合作、搞商場show、安排廣告同經營Social Media。佢其實已經想轉型，唔想再搞網紅，想專注發展IG內容、社交平台策略。但轉極都係入返差唔多類型嘅公司，連轉咗3份工都唔啱心水 ，開始懷疑自己係咪真係唔啱呢行。

🔸【你CV重覆寫啲乜，就Sell緊邊條路】

HR係靠關鍵字快速判斷你係邊類人。如果你CV不斷出現「KOL」、「活動」、「Show」，咁即使你唔想再行呢條路，HR都會覺得你fit呢個方向。因為你睇落就係「KOL管理型人才」，仲以為你有人脈、有合作經驗、同網紅溝通力強，超值錢。呢個就係「曝光效應」（Mere Exposure Effect）：一樣嘢出現得多，就會自然聯想你屬於嗰個領域。寫CV就等如幫自己做行銷，你重覆啲乜，就等於將自己品牌向邊個市場Sell緊。

🔸【想轉方向？Keyword要寫向未來，而唔係過去】

就算經驗唔係100% match，只要識CV技巧、寫得有策略，方向清晰，HR都會感受到你想轉型既決心。。想轉型做社交平台，就要開始寫多啲關於你點樣管理IG、分析觸及率、規劃內容日曆、提升engagement，而唔係繼續寫KOL合作幾熟手。HR會知你係轉型中，但只要你方向清晰、有語氣、有意圖，就會有人覺得你「值得投資」。最後提你：唔好加水份，反而係要準確寫出你想行邊條路。

因為寫落去既每一粒字，都係你幫自己定價的方式。

---------------

✨【咁我係咪寫緊自己唔想再做嘅方向⋯⋯】

有時你睇落去都覺得「無問題」，
但HR感受到嘅，其實係另一個氣場。
如果你都想有人幫你睇清楚你個CV而家sell緊邊條路，
想搵一條真係啱你、而唔係「又係差唔多」嘅方向。
我可以免費幫你檢查你CV嘅氣場、語氣同關鍵字，
等你睇清楚而家sell緊邊條路。
如果你想再落一層，改到對齊你想行嘅未來，
我有提供1:1諮詢服務，幫你重組寫法，展示你真正嘅價值同職涯路向。