💭 學左好多「技能」但唔知點開始經營？

身心靈工具五花八門，睇得多、學得多，反而更迷惘？你唔係孤單。呢種情況心理學上叫做「決策癱瘓（Decision Paralysis）」，意思係選擇愈多，人腦愈難行動。

解決方法唔係再學多樣，而係——整理你學過既工具，砌出屬於你既《身心靈履歷表》。

【🔸  點樣寫你專屬既身心靈 CV？】
發展一門新事業，唔係要去學「有$途既新技能」，而係係現有既資源下，無壓力咁入門。寫低你已經投放咗時間、心力既工具係邊啲？

💡 寫完你會發現： 
「原來我學左500小時占星，200小時靈氣導師訓練，仲有20小時塔羅⋯⋯」

 呢份CV，唔單止幫你收窄方向，仲係你開始身心靈副業嘅第一步。

【🔸 睇出你學習上的模式 】
你會自願去學既工具，已經透露左你內心偏好。 

💡睇番你 CV 上出現最多既字眼，可能會係：
「偉特塔羅、占星骰子、奧修禪塔羅、49天使符號⋯⋯」

有出現頻率，就有傾向，呢啲線索就係你方向既苗頭。

【🔸 幫自己既工具評個分 】
寫低對呢類工具既感受，例如係：
你最喜歡用邊種，點解？
有邊樣已經無用，原因？
如果要每日用一種，你會揀邊樣？

「你最愛用49天使符號，因為占卜既同時可以做埋療癒。
反而奧修禪塔羅太抽象，理解唔到，就無再用。」

【🔸 恭喜你！搵到最拿手既工具啦！ 】
去到呢步，你已經睇得出自己想發展嘅派別、類型。

💡「你所選擇既道路係：主播！（傳訊類身心靈工作者）」

💭 即係我唔岩傳靈氣比人？
唔係，靈氣你可以用黎做輔助，報天氣、提人帶遮先係你既主打。要穩定咁發展，搵既唔係「最勁既工具」/ 「最多人做既項目」，而係你願意每日投放時間去接觸既工具。滅蟲公司生意好夠穩定，但前題係你接受到每日同蟲蟲一齊工作。如果你係怕昆蟲既，就算滅蟲公司請你，你都無心力日日去做啦。

------------

【💭 睇完我好想開始，但唔識寫自己份CV呀】
我幫你啦！預約我做《仕途小孩》，我會手把手帶你整理《身心靈CV》，搵出你專屬既身心靈副業定位，走出屬於你既毫不費力路線。

【📌題材測試中】 Like / 留言 / 比個心我知道你鍾意呢類題材，我就會繼續深入分享💬 記得收藏埋呢篇文，日後寫CV就可以翻睇啦！